إزاي جاتلي فكرة إني أبدأ قناة على اليوتيوب؟
كل اللي حصل إني كنت بتفرج على فيديوهات لشباب بيشرحوا إزاي يكسبوا من اليوتيوب، وكان نفسي أكون واحد منهم. قلت لنفسي: "ليه لأ؟ طالما هما قدروا يعملوها، أكيد أنا كمان أقدر". بدأت أدور على مجالات مناسبة، وكنت بفكر أبدأ في حاجة بحبها، عشان أقدر أستمر.
اخترت المجال المناسب رغم إني معنديش خبرة
قررت أبدأ قناة ملخصات كتب، ودي فكرة ممتازة لأي مبتدئ، خصوصًا لو هتستخدم أدوات الذكاء الاصطناعي في التلخيص والتعليق الصوتي. مش بس كده، بدأت أضيف فيديوهات قصيرة (يوتيوب شورتس) عشان تزود الانتشار، وفعلاً الشورتس بقت تجيبلي مشاهدات ضخمة في وقت قصير.
أول فيديو نزلته كان شكله عامل إزاي؟
أنا مش هكدب عليك، أول فيديو عملته كان بسيط جدًا، صوتي مش واضح، والمونتاج عادي جدًا. لكن المهم إني بدأت. بعدها بدأت أتعلم أكتر عن تحسين جودة الفيديو، واستخدمت أدوات ذكاء اصطناعي لتوليد نصوص وصوت وتعليق تلقائي. جربت برامج مجانية، وزبطت الجودة واحدة واحدة.
إزاي استخدمت الذكاء الاصطناعي في قناتي؟
الذكاء الاصطناعي خلاني أقدر أشتغل كإني فريق كامل لوحدي! استخدمت أدوات بتكتبلي سكريبتات، وأدوات تانية بتعمللي تعليق صوتي احترافي. كمان استخدمت برامج تصميم فيديوهات بضغط زر، ومن غير أي خبرة فنية. ده وفرلي وقت ومجهود كبير، وساعدني أطلع فيديوهات أكتر في وقت أقل.
وصلت إزاي لأول 1000 مشترك و4000 ساعة مشاهدة؟
ركزت في البداية على فيديوهات شورتس، لأنها بتوصل لناس كتير بسرعة. كنت بنزل كل يوم فيديو شورتس عليه فكرة ملفتة أو معلومات غريبة. ومع الوقت، المشاهدين بدأوا يتابعوني، وبدأت أطلب منهم يشتركوا في القناة. كمان كنت بسيب تعليقات محفزة في فيديوهات مشابهة لجذب الزوار.
بدأت أربح إمتى؟ وفلوسي جت منين؟
أول دخل جهلي كان من التسويق بالعمولة، مش من أدسنس. كنت براجع كتب وبدخل روابط أمازون أو مواقع بيع كورسات في الوصف. وكل ما حد يشتري من الرابط بتاعي، باخد عمولة. بعد ما اتقبلت في أدسنس، الدخل زاد مع المشاهدات الطويلة، خصوصًا في الفيديوهات التعليمية.
إزاي دمجت اليوتيوب مع التسويق بالعمولة؟
الفكرة بسيطة جدًا. كل فيديو كنت بقدّم فيه محتوى، كنت بسيب في الوصف روابط للمنتجات أو الكورسات أو التطبيقات اللي بتكلم عنها. والمفاجأة إن فيه ناس بتضغط وتشتري، لأن المحتوى بيكون مفيد. الربح من التسويق بالعمولة مع اليوتيوب يعتبر كنز، خصوصًا لو ركزت في مجال محدد.
طب هل محتوى الفيديوهات القصيرة بس كفاية؟
بصراحة لأ. الفيديوهات القصيرة ممتازة لجذب الجمهور، لكن لو عايز تحقق الأرباح الكبيرة وتتفعل في جوجل أدسنس، لازم فيديوهات طويلة. وده اللي عملته، بدأت أزود الفيديوهات الطويلة شوية بشوية، لحد ما وصلت للحد المطلوب وتفعلت القناة.
تجربتي مع جوجل أدسنس في اليوتيوب
بعد ما وصلت للشروط (1000 مشترك و4000 ساعة مشاهدة)، قدمت في أدسنس واتقبلت خلال أيام. الدخل مكانش كبير في الأول، لكن مع الاستمرارية، ورفع جودة المحتوى، الدخل زاد تدريجيًا. كل ما الفيديو يبقى أطول ويشد الانتباه، كل ما الإعلانات تزيد والدخل يعلى.
إزاي استفدت من الفريلانسينغ في اليوتيوب؟
لما تعلمت شوية مونتاج، بدأت أشتغل
فريلانسر
على مواقع زي خمسات ومستقل، بالمناسة انصحك جداً تقرأ
هذا المقال
عملت فيه مقارنة بين موقع خمسات ومستقل، نرجع بقا لموضوعنا بقيت أعمل فيديوهات
لقنوات تانية مقابل فلوس. يعني اليوتيوب مش بس مصدر دخل مباشر، لكن كمان بوابة
لشغل حر وسوق مفتوح لأي حد عنده شغف.
هل التيك توك والفيسبوك ليهم دور في
القصة؟
أكيد! بقيت أشارك مقاطع شورتس على التيك توك والفيسبوك ريلز، وده
زودلي عدد المشاهدات والمشتركين. فيسبوك كمان بقى فيه نظام أرباح عن طريق
الدعوات، وده مصدر دخل تاني لو عندك جمهور. لازم تستغل كل منصة تقدر تجيبلك
ترافيك للقناة، لوهتعمل حساب فيسبوك ف انصحك تخلية تجاري زي ما شرحنا
هنا.
نصايح لأي حد عايز يبدأ قناة يوتيوب بدون خبرة
- متستناش تكون محترف.. ابدأ بأي إمكانيات.
- اختار مجال بتحبه ويفضل يكون عليه طلب.
- نزل فيديوهات شورتس يوميًا في الأول.
- استخدم الذكاء الاصطناعي لتوفير الوقت والمجهود.
- ركز على الجودة والاستمرارية.
- شير فيديوهاتك على كل السوشيال ميديا.
- اقرأ هذا المقال وخد منه افكار قنوات بدون ظهور.
تجربتي الشخصية باختصار
أنا بدأت من الصفر، مكنتش فاهم حاجة، لكن بالإصرار والتعلم والاستمرارية قدرت
أوصل لقناة مربحة فعلاً. جربت كذا طريقة، زي التسويق بالعمولة، جوجل أدسنس،
والفريلانسينغ. كل يوم كنت بتعلم حاجة جديدة، وكل تجربة كانت خطوة لقدام.
لو
نفسك تبدأ قناة على يوتيوب ومش عارف تبدأ منين، ودايمًا بتقول لنفسك "معنديش
خبرة"، فاحب أطمنك إنك مش محتاج تبقى محترف علشان تبدأ. في شوية خطوات بسيطة لو
مشيت عليها بالترتيب هتقدر تطلق قناتك وتحقق أول نجاح ليك.
خطوات انشاء قناة يوتيوب بدون خبرة:
- افتح حساب جوجل (Gmail): لازم يكون عندك حساب جيميل علشان تقدر تدخل على اليوتيوب وتبدأ تنشئ قناة.
- ادخل على يوتيوب وسجل دخولك: روح على YouTube وسجل دخولك بالجيميل، وبعد كده اضغط على صورة الحساب واختر "إنشاء قناة".
- اختار اسم مميز للقناة: اختار اسم سهل يتنطق ويتحفظ وبيعبر عن المحتوى اللي ناوي تقدمه.
- صمّم صورة القناة والغلاف (Banner): استعمل أدوات مجانية زي Canva علشان تعمل صورة بروفايل وكفر للقناة بشكل احترافي.
- حدد فكرة أو تخصص القناة: اختار مجال واحد تبدأ بيه، زي الطبخ، الجيمنج، الشروحات، أو ملخصات الكتب، وخليك مركز عليه.
- جهز أول فيديو بمحتوى بسيط: مفيش داعي تبدأ بكاميرا غالية، ممكن تسجل بالموبايل، أو تستخدم صور وصوت وتعليق من أدوات الذكاء الاصطناعي.
- استخدم أدوات مونتاج مجانية: زي CapCut أو InShot للموبايل، أو Clipchamp للكمبيوتر، علشان تركب الصوت والصور بشكل مرتب.
- اكتب عنوان ووصف للفيديو فيه كلمات مفتاحية: العنوان لازم يكون جذاب ومناسب للبحث، والوصف يساعد اليوتيوب يفهم محتوى الفيديو.
- صمّم صورة مصغّرة thumbnail ملفتة للنظر: الصورة بتأثر جدًا على النقرات، استخدم Canva أو أدوات AI علشان تعمل تصميم يلفت النظر.
- انشر الفيديو وشاركه على السوشيال ميديا: انشر الفيديو على فيسبوك، تيك توك، إنستجرام، وكمان في جروبات مهتمة بالمجال اللي بتتكلم فيه.
ملاحظة : متخليش فكرة إنك مبتدئ تمنعك تبدأ. كل يوتيوبر ناجح بدأ من تحت الصفر. أهم حاجة تبدأ وتتعلم من كل فيديو بتنزله، ومع الوقت هتتحسن وتكبر قناتك وتحقق دخل كويس جدًا إن شاء الله.
نصائح للنجاح على يوتيوب بدون خبرة
- اشتغل على فكرة واحدة بس في الأول علشان تبني جمهور مستهدف.
- انزل فيديوهات شورتس بانتظام علشان تزود الانتشار بسرعة.
- استخدم عنوان جذاب ومرتبط بالكلمات اللي الناس بتدور عليها.
- صمّم صورة مصغّرة thumbnail ملفتة تخلي الناس تضغط على الفيديو.
- حاول تقدم محتوى فيه قيمة أو فايدة حقيقية للمشاهد.
- استخدم أدوات مجانية تساعدك زي Canva وCapCut وبرامج AI.
- رد على تعليقات الجمهور علشان تبني علاقة معاهم وتشجعهم يتابعوك.
- متحبطش لو مفيش مشاهدات كتير في الأول.. كل حاجة بتيجي مع الوقت.
- تابع الإحصائيات وشوف الفيديوهات اللي بتنجح وكرّر فكرتها.
- استغل السوشيال ميديا في نشر فيديوهاتك وزيادة الزيارات.
السر في النجاح على يوتيوب مش إنك تبقى محترف من أول يوم، لكن إنك تبدأ وتستمر. كل فيديو هتعمله هتتعلم منه وتطور نفسك. خليك صبور، وابدأ النهاردة، وبكرة هتشكر نفسك إنك خدت الخطوة دي من غير ما تستنى
نجحت على يوتيوب من غير خبرة... وده كان سر نجاحي الحقيقي!
أنا بدأت رحلتي على يوتيوب من غير أي خبرة، لا في التصوير ولا في المونتاج ولا
حتى في كتابة سكريبتات. كنت بتفرج على قنوات كتير وبقول لنفسي: "هما بدأوا منين؟
وليه أنا مش أبدأ؟". وفعلاً خدت القرار، وبدأت قناة مخصصة للألعاب اسمها
جيـمز، وكنت
بنزل فيها فيديوهات بسيطة جدًا من الموبايل، وكنت أعدل عليها بأدوات مجانية وشوية
تعب على الشغل اليدوي.
مع الوقت، بدأت أتعلم من كل فيديو بنزله، كل تعليق
كان بيخليني أطور من نفسي أكتر. وعلشان حبيت أوسع أكتر، قررت أفتح قناة تانية عن
الربح من الإنترنت والسوشيال ميديا، وفعلاً أنشأت قناتي التانية
Ahmed Zakaria وقدمت فيها
محتوى تعليمي بشخصيتي وخبرتي، وبدأت أوصل لجمهور أكبر.
النجاح هنا مكنش في
الإمكانيات، كان في الإرادة والإصرار والتعلم المستمر. كل خطوة خدت فيها وقت
ومجهود، لكن فرحة التفاعل والنتائج خلتني أكمل. النهاردة القناتين بقوا مصدر دخل
ثابت ليا، وكمان بوابة لعلاقات وفرص تانية على الإنترنت.
لو أنت كمان نفسك
تبدأ ومش عارف تبدأ منين، شوف الفيديوهات على قنواتي وخد منها أفكار، وهتلاقي إن
مفيش حاجة اسمها مستحيل لما يكون عندك نية واستمرارية، لكن فيه نصيحه مهمه جداً
اقرأ
هذا المقال
عشان تعرف جميع طرق الربح من يوتيوب بدون ادسنس.
سؤال وجواب سريع عن الربح من يوتيوب بدون خبره
هل فعلاً ينفع تكسب من اليوتيوب من غير خبرة؟
أيوه، بس لازم تتعلم وانت ماشي، وتستغل كل الأدوات اللي حوالك.
إيه الأفضل للمبتدئين: الفيديوهات الطويلة ولا الشورتس؟
ابدأ بالشورتس عشان الانتشار، وبعدها ضيف فيديوهات طويلة علشان الأرباح.
ينفع أشتغل في كذا مجال على نفس القناة؟
الأفضل تختار مجال واحد في البداية عشان تبني جمهور مستهدف.
الخاتمة : لو نفسك تبدأ قناة على اليوتيوب في 2025، متخليش الخوف يوقفك. ابدأ،
جرب، اتعلم، واشتغل على تطوير نفسك. الربح من اليوتيوب مش حلم، لكنه محتاج صبر
وتخطيط. استخدم كل وسيلة متاحة ليك: الذكاء الاصطناعي، الشورتس، التسويق
بالعمولة، وكل منصات السوشيال ميديا. وربنا يوفقك.
لو حابب تعرف أكتر عن
الأدوات اللي استخدمتها أو تحب تتابع قناتي وتشوف الفيديوهات اللي عملتها، ابعتلي
وهبعتلك الروابط.
ولو عجبتك التجربة، متترددش تبعتها لأي حد حابب يبدأ،
وابدأ أنت كمان رحلتك مع الربح من الإنترنت.