كيفية الربح من الانترنت للمبتدئين 2025 بطريقة سهلة ومضمونة

في 2025، السؤال اللي بيشغل دماغ كل واحد بيفكر يبدأ رحلته في الربح من الإنترنت هو: أبدأ على يوتيوب ولا فيسبوك؟ الاتنين بيحققوا أرباح، والاتنين ليهم سياسات، لكن الفرق في العائد والسهولة والاستمرارية.
لو بتفكر تبدأ مشروعك من الصفر في العمل الحر أو الفريلانسينغ أو حتى عندك محتوى وعاوز توصله للناس وتكسب من وراه، فالمقارنة دي هتوضحلك كل حاجة. سواء كنت مهتم بـ الفيديوهات القصيرة – يوتيوب شورتس أو ريلز فيسبوك، المقال ده ليك.

الربح من فيسبوك ولا يوتيوب؟ مقارنة عملية بالأرقام تكشف أي منصة تحقق دخل أعلى في 2025

الفرق بين الربح من فيسبوك والربح من يوتيوب في 2025

نظام الربح في فيسبوك بعد التحديث الجديد

من 2025، فيسبوك بقى بيستخدم نظام موحد اسمه "Content Monetization Program"، وده بيغطي أنواع كتير من المحتوى زي:
الفيديوهات الطويلة
الريلز
الصور والنصوص
علشان تبدأ تحقق أرباح لازم صفحتك:
يكون عليها التفاعل كويس والمحتوى أصلي ومتوافق مع سياسات Meta
تستخدم أدوات الدفع زي Meta Pay أو حساب بنكي مؤهل
شرحنا ده بالتفصيل في مقالنا: شروط الربح من فيسبوك 2025: الدليل الكامل للمبتدئين

ويعني إيه تربح من يوتيوب؟

يوتيوب لسه هو الملك في المحتوى المرئي، وبيوفر أرباح من:
الإعلانات عبر جوجل أدسنس
يوتيوب شورتس
الاشتراكات المدفوعة
التسويق بالعمولة تفاصيل أكتر هنا: الربح من اليوتيوب للمبتدئين 2025

أرباح فيسبوك ولا يوتيوب؟ أرقام حقيقية

فيسبوك بيدفع حسب نوع المحتوى والتفاعل، بس متوسط الربح من الريلز أقل من يوتيوب.
يوتيوب بيدفع من 1 لـ 5 دولار لكل 1000 مشاهدة للفيديوهات الطويلة، حسب المجال والجمهور.
برنامج الربح الجديد من فيسبوك بيركز على التفاعل الكلي، مش بس عدد المشاهدات.
يعني لو هدفك الربح من جوجل أدسنس بشكل مستقر، يوتيوب بيكسب. لكن لو عاوز تبدأ بسرعة بدون متطلبات صعبة، فيسبوك خيار ممتاز.

متطلبات الربح من فيسبوك VS يوتيوب

شروط فيسبوك 2025 بعد التحديث:

غير معروفة كل اللي عليك انك تنشر محتوي اصلي وتنتظر الدعوة من فيسبوك.
الالتزام بسياسات Meta
حساب بنكي أو وسيلة دفع مفعلة

متطلبات يوتيوب:

1000 مشترك
4000 ساعة مشاهدة أو 10 مليون مشاهدة شورتس خلال 90 يوم
حساب أدسنس
ممكن تقرأ أكتر عن شروط الربح من اليوتيوب بالتفصيل.

المحتوى اللي بينجح على كل منصة

الأفضل لفيسبوك:
الريلز
الفيديوهات القصيرة الترفيهية
الصور والمنشورات التفاعلية
الأفضل ليوتيوب:
المحتوى التعليمي
الشروحات
الفيديوهات الطويلة والمتخصصة
لو حابب تعرف فكرة قناة ناجحة: الربح من قنوات الأفلام الوثائقية

فيسبوك ولا يوتيوب؟ مين الأفضل للمبتدئين؟

فيسبوك سهل الانتشار والبداية، خاصة بالريلز
يوتيوب أفضل على المدى البعيد ببناء جمهور مستقر
هل ينفع أشتغل على الاتنين مع بعض؟
طبعًا، وده هيزود دخلك وانتشارك. اعمل فيديو واحد وانشره على يوتيوب شورتس وفيسبوك ريلز في نفس الوقت. إزاي تجمع بين اليوتيوب والتسويق بالعمولة؟

أدوات تساعدك تبدأ صح

Canva وCapCut للتصميم والمونتاج
Meta Creator Studio لإدارة صفحة فيسبوك
YouTube Studio للتحليلات
إزاي تكسب من الذكاء الاصطناعي

خطوات عملية تبدأ بيها

أنشئ صفحة فيسبوك مؤهلة للربح كيفية انشاء صفحة فيسبوك تجارية
افتح قناة يوتيوب الربح من اليوتيوب للمبتدئين
اشتغل على مدونة بلوجر كدخل إضافي الربح من بلوجر 2025
الربح من الفيسبوك بقى فرصة حقيقية لناس كتير، خصوصًا بعد ما انتشرت الريلز وزادت طرق الربح، بس زي أي مجال، ليه مميزات وعيوب، وعلشان تكون فاهم اللعبة صح، لازم تبص للصورة كاملة قبل ما تبدأ.

مميزات الربح من فيسبوك:

• تقدر تبدأ بموبايلك من غير معدات غالية أو إعدادات معقدة.
• الانتشار سريع خصوصًا في الريلز وممكن توصل لملايين في وقت قصير.
• طرق ربح متنوعة زي: بونس الريلز، الشراكة الإعلانية، دعم المتابعين.
• فيسبوك عنده قاعدة مستخدمين ضخمة، وده معناه فرص أكبر للظهور.
• تقدر تستهدف جمهورك بسهولة عن طريق الهاشتاجات والنشر المنتظم.
• النظام الجديد بالدعوات بيزود حماس الناس عشان يشتغلوا بجدية.
• مناسب للمحتوى العربي وخاصة الفيديوهات القصيرة اللي فيها تفاعل.

عيوب الربح من فيسبوك:

• مش أي حد يقدر يفعل الربح، لازم توصلك دعوة الأول.
• السياسات بتتغير بسرعة، وممكن فجأة تلاقي حسابك مقفول أو الأرباح وقفت.
• الأرباح قليلة مقارنة بيوتيوب، خصوصًا لو جمهورك من دول عربية.
• الريلز مش دايمًا بتضمنلك تفاعل مستمر، وممكن يتراجع فجأة.
• مفيش نظام شفاف لتوزيع الأرباح زي أدسنس في يوتيوب.
• صعب تبني قناة أو صفحة قوية من غير محتوى احترافي مستمر.
• المتابعين بيتابعوا الريلز من غير ما يعملوا لايك أو متابعة، وده يقلل فرص النمو.

في النهاية، فيسبوك ممكن يكون باب دخل حلو لو اشتغلت عليه صح، بس ما تعتمدش عليه لوحده، وخلّي عندك دايمًا خطة بديلة زي يوتيوب أو مدونة، لأن النجاح الحقيقي بييجي من تنويع مصادر الدخل.

الربح من اليوتيوب بقى من أقوى وأشهر طرق الدخل من الإنترنت، وناس كتير فعلاً غيّرت حياتها بسببه. بس علشان تكون الصورة واضحة، لازم نعرف مميزاته وعيوبه قبل ما تبدأ رحلتك فيه.

مميزات الربح من اليوتيوب:

• تقدر تبني مصدر دخل ثابت ومستمر من فيديوهاتك القديمة والجديدة.
• جوجل أدسنس نظامه شفاف وسهل، وبتقدر تعرف أرباحك بالتفصيل.
• في أكتر من طريقة للربح غير الإعلانات زي الرعاة، التسويق بالعمولة، والدورات.
• اليوتيوب بيقترح فيديوهاتك للناس المهتمة، لو اشتغلت صح على السيو.
• كل ما زاد تفاعل قناتك، كل ما زاد دخلك، وده بيحصل مع الوقت.
• المحتوى التعليمي أو الترفيهي ممكن يجيبلك جمهور مخلص يدعمك دايمًا.
• القناة تعتبر أصول رقمية، بتكسبك حتى وانت نايم.
• تقدر تشتغل من البيت أو أي مكان، بمعدات بسيطة في البداية.
• فيديوهاتك ممكن توصل للعالم كله، مش بس جمهورك المحلي.

عيوب الربح من اليوتيوب:

• لازم توصل لـ 1000 مشترك و4000 ساعة مشاهدة أو 10 مليون مشاهدة شورتس خلال 90 يوم.
• محتاج وقت ومجهود وصبر كبير قبل ما تحقق أول أرباح.
• المنافسة قوية جدًا، خصوصًا في المجالات العامة زي الترفيه والألعاب.
• لازم تتعلم أساسيات التصوير والمونتاج وجودة الصوت عشان تظهر بشكل احترافي.
• أي مخالفة صغيرة ممكن تخسرك القناة أو الأرباح.
• التفاعل في بعض الفترات ممكن يقل فجأة، وده يأثر على الدخل.
• تغيير خوارزميات اليوتيوب أوقات بيأثر على انتشار الفيديوهات.
• محتاج تشتغل باستمرار وتكون منظم في النشر والمتابعة.

في الآخر، اليوتيوب فرصة عظيمة لو عايز تبني مشروع رقمي حقيقي، بس لازم تصبر وتتعلم وتتطور دايمًا، لأنه مش مجرد رفع فيديوهات، ده شغل محتاج تخطيط وذكاء ومحتوى بيفيد الناس ويخليهم يرجعوا لك تاني.

مقارنة سريعة بين الفيسبوك ويوتيوب

العنصر	الربح من فيسبوك	الربح من يوتيوب
نوع المحتوى	ريلز قصيرة، فيديوهات عامة، محتوى تفاعلي	فيديوهات طويلة، شورتس، بث مباشر، محتوى تعليمي أو ترفيهي
شروط التفعيل	نظام الدعوات + شروط عدد المتابعين والمشاهدات (حسب البلد)	1000 مشترك + 4000 ساعة مشاهدة أو 10 مليون مشاهدة على الشورتس خلال 90 يوم
متوسط الأرباح لكل 1000 مشاهدة	من 0.1 لـ 2 دولار حسب الدولة ونوع المحتوى	من 1 لـ 5 دولار وقد توصل لأكتر في بعض الدول والمجالات
مصادر الربح	إعلانات البونس، دعم المشاهدين، الشراكات	أدسنس، دعم القناة، سوبر شات، التسويق بالعمولة
مدى استقرار الدخل	أقل استقرار بسبب سياسات التقييد المفاجئة	أعلى استقرار خاصة للقنوات التعليمية أو المتخصصة
المنافسة	عالية جدًا في المحتوى القصير والريلز	عالية لكنها بتقل كل ما تقدم محتوى متخصص وفريد
نسبة الوصول العضوي	عالية في الريلز لكن مش ثابتة	متوسطة لكنها بتتحسن مع الوقت والسيو الجيد
سهولة البدء	سهل تبدأ فيديوهات ريلز من الموبايل	محتاج إعدادات أكتر شوية بس فيه أدوات تساعدك
الدفع والأرباح	عن طريق Meta Business Suite وبيختلف حسب الدولة	عن طريق Google AdSense بالدولار على حسابك البنكي

رايي الشخصي في ( الربح من الفيسبوك و الربح من اليوتيوب )

بص يا صاحبي، من وجهة نظري الشخصية وبعد تجربة طويلة في المجال، شايف إن الربح من اليوتيوب هو الأكتر استقرارًا على المدى الطويل، لأن المحتوى هناك بيعيش وبيجيب مشاهدات حتى بعد سنين، غير كده أدوات السيو بتساعدك تتصدر وتكبر أسرع. إنما الربح من الفيسبوك حلو وسريع، بس مش دايم، وممكن في لحظة يتوقف بسبب تغيير سياسة أو تراجع في التفاعل. اليوتيوب كأنه استثمار طويل الأجل، والفيسبوك مناسب للناس اللي بتحب الشغل السريع والفيديوهات القصيرة. أنا شخصيًا بركّز على اليوتيوب أكتر، وبستخدم فيسبوك كداعم ومصدر ترافيك.

تجربتي مع الربح من الفيسبوك واليوتيوب: ازاي بدأت من الصفر وبقيت بصنع دخل ثابت شهريًا؟

أنا بدأت في مجال الربح من الإنترنت وكنت شبه تايه، مش عارف أبدأ من بلوجر؟ ولا من يوتيوب؟ ولا أجرب فيسبوك؟

بس بعد ما قعدت أبحث كتير، قررت أجرب اليوتيوب والفيسبوك مع بعض، وفعلاً أنشأت قناتين على اليوتيوب:
الأولى متخصصة في الجيمنج، وهي قناة جيمز، والثانية تعليمية فيها شروحات وأفكار للربح من الإنترنت وهي قناة أحمد زكريا.
وفي نفس الوقت، فتحت صفحة على الفيسبوك باسم Ahmed Ziko علشان أشارك المحتوى القصير زي الريلز والنصايح السريعة.
على الفيسبوك بدأت أشتغل على الريلز، وفعلاً أول فيديو عملته عدى الـ100 ألف مشاهدة في يومين، وقتها فهمت إن المحتوى القصير له قوة رهيبة في الانتشار، وده ساعدني أكسب متابعين كتير في وقت قصير.
بس لما اتكلمنا عن الأرباح، لقيت إن يوتيوب بيتفوق في النقطة دي... لأنه بيوفر دخل ثابت ومستقر من الإعلانات، غير كمان إن الفيديوهات بتفضل تجيب مشاهدات لفترة طويلة.
أول فترة كانت صعبة، مفيش مشاهدات، مفيش تفاعل، بس ماستسلمتش… ركزت على إن كل فيديو أقدمه يكون مفيد وحصري وبأسلوب بسيط يوصل للناس، واتعلمت السيو كويس علشان أعرف أزاي أوصل للفئة اللي بتدور على المحتوى ده.
السر الحقيقي ورا نجاحي كان حاجتين:
الاستمرارية، حتى لو الأرقام قليلة في البداية.
التركيز على تقديم قيمة للناس، مش مجرد إنك تنشر فيديوهات وخلاص.
مع الوقت، بدأت أربط كل حاجة ببعضها: اليوتيوب يجيبلي ترافيك للفيسبوك، والفيسبوك يزودلي المشاهدات على اليوتيوب، وكل ده كمان ربطته بالموقع بتاعي علشان أحقق أقصى استفادة من كل مصدر.
النهارده وأنا بكتب الكلام ده، أنا مش بس بكسب من اليوتيوب والفيسبوك، لأ… أنا بنيت براند شخصي، وعندي جمهور بيتابعني علشان المحتوى اللي بقدمه، وده أكبر مكسب ممكن توصله.

الخلاصة: تختار مين؟ فيسبوك ولا يوتيوب؟

في النهاية، سواء اخترت تبدأ في الربح من فيسبوك أو تركز مجهودك على الربح من يوتيوب، القرار بيرجع لهدفك وطبيعة المحتوى اللي بتقدمه. الفيسبوك ممتاز لو عايز توصل بسرعة وتستغل الريلز والمحتوى القصير، لكن محتاج تكون دايمًا جاهز لأي تغيير في السياسات. أما اليوتيوب، فبيعتمد على النفس الطويل، لكنه بيكافئك بدخل ثابت ومستقر مع الوقت لو اشتغلت على نفسك كويس.
لو عايز تبني مشروع رقمي ناجح، نصيحتي ليك تبدأ بالقناة اللي تناسب مهاراتك، وماتنساش إنك تقدر تشتغل على الاتنين مع بعض لو نظّمت وقتك صح. والسر الحقيقي للنجاح؟ محتوى يفيد الناس، واستمرارية، وتعلم دايم.
اختار الطريق اللي يناسبك وابدأ النهاردة، لأن كل دقيقة بتفرق في رحلة النجاح.
نصيحة شخصية : ابدأ بالفيسبوك لو عاوز نتائج سريعة، واشتغل في الخلفية على قناة يوتيوب. وزع المحتوى بذكاء، وابدأ كمان في الربح من التجارة الإلكترونية أو العمل الحر على خمسات ومستقل.